yafefy

 

الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 ياحــــلاوة الطــــوب جـــــــه !!!!!

اذهب الى الأسفل 
كاتب الموضوعرسالة
ريان

avatar

عدد المساهمات : 276
تاريخ التسجيل : 05/06/2008

مُساهمةموضوع: ياحــــلاوة الطــــوب جـــــــه !!!!!   الإثنين يونيو 23, 2008 10:43 am

من الحياه
........
السلام عليكم.
...........
ياحلاوة الطوب جه قالتها الجدة وهى تحاول مسرعة الى باب المنزل
لترى بعينيها طوب جابه ابنها المسافر للبناء.مرددة ياصلاة النبي.
الاهى تعمر يابنى. وكلمات وكلمات وهى تحاول شد بقايها الهزيله!!!
ايه الحكاية؟؟؟
الحكايه ان المسافر بعت فلوس لمراته علشان تبنى الدور التانى للعيال وتوسع عليهم باللغة الدارجة. وعلى رايهم الله يوسع على الكل!!! المهم.
الزوجه راحت لتوتو الوسطانى من نوع الواجب يعنى والاصول.وقالتله
عايزة 14 الف طوبة مبانى حمرا.. جه ساحب سماعة التليفون واتصل
بمصنع الطوب راسا.
وقاله يامصنع انا عايز 14 الف طوبه للمبانى ...قاله المصنع ياتوتو دا داخل عيد والوقت ضيق على الرقم ده.. خليها بعد العيد!
توتو قله خلاص يا مصنع ماشى بعد العيد.. وقفل السكة...المهم الشله
عرفت وكله اتحمس للموضوع بقلب جامد..ففيوم ليا اخت مندلعوها بخوخه
علشان اسمها ام الخير ودا قصة تانيه !!! المهم كانت ريحه المدينة علشان تجيب كرات علشان هى بتحب الكرات الاخضر!!!!!
نظرت يمين وشمال زى متقول كدة* اتبرمت بعنيها* فلقت واحد شايل فى ايده قالب طوب احمر....جرت عليه وقالتله ياعاااااااام.. قالها نعم ياسيت قلتله انت بتبيع طوب ؟؟ قلها اه ,قلتله دا خويا عايز 14 الف طوبه.. قالها موجودين على العربيه ,,قالتله طب تعالى.....هنوديك لاخويا توتو على البيت على طول..هو فيه عربيه تشيل 14 الف طوبه وتنزل قريه فلاحى من حجمها؟؟؟؟؟؟ماعلينا!!!!!فنظر المعلم حامل الطوبه للرجاله اللى وقفين بجوار العربية
ففهموا منه بدئ التمهيد لعمل جديد وفرجت....مشت خوخه تتغندر
والفرحة مش سعياها ووصلت لبيت توتو ونادت ياتوتو يرد ايه؟
بتوع الطوب اهم جووم..وانا ماشيه بقى علشان اتأخرت على الكرات!!! وادى وش الضيف!!!!!!!!!!
توتو فتح الباب بسرعه وقام وبصوت اجش برجولة وبشهامة ابن البلد
يامرحب يااهلا وسهلا اتفضل ....دخل المعلم وعقله بدأ يعمل بسرعة
المؤثرات الاشعاعيه..
وفجأه اتصل توتو بالحفيد حجر الزاويه.
ترن
ترن
الحفيد رفع السماعة مرحبا بتوتو وعرف منه ان الطوب وصل واتصل بالزوجة وبلغها ماشى؟ قاله . ماشى..سلام... سلام..
الحفيد رفع السماعه وبادر بالاتصال بالزوجه ليبلغها ان الطوب وصل
ترن
ترن
الزوجة ايوة
الحفيد انتى فين
الزوجة بنكشف على الننا ابنها يعنى .. اصله كان بعافيه شويه..
الحفيد لالالا مش مهم دلوقت الطوب وصل!!!!!
الزوجه تهرول فرحانه متجهه للموقف علشان ترجع بقى.وقد نست الكشف على
الننا ابنها!!!!!الا حوله ولاقوة الا بالله ....ماعلينا....

نرجع لتوتو قال لازم طبعا نبلغ المدير ونبشره وطبعا دا الاصول حاكم المدير ميحبش حاجة تنعمل اللى لما تنعرض عليه ودا لاصول!!!!
المدير سمع الكلام وعرف ان الطوب جه غمرته السعادة وبادر وهم بالمرواح هناك علشان يشوف بعنيه فرحت الشله!!!!
وقام توتو مصاحب المعلم حامل الطوبه لبيت المسافر
ووصلوا ووصلت الزوجة.
ووصل الحفيد
ووصل المدير واثق الخطوة يمشى ملكا...
وجلسوا على الاريكة امام البيت *المسطبه يعنى* وفجأة وصلت عربية الطوب من ناحية الغرب والرجاله عليها؟ علشان ينزلو الحمولة.
وبدئوا فى التنزيل والرص.
وعلى المسطبه رص بس من نوع اخر!!!!
الترحاب بحامل الطوبه الشهيرة ذاد وبدات الامور امامه تظهر
يعنى الشله جابت اخرهم ..الطيبه بقى .والرجولة.وجدعنت اهل البلد.
والجدة تجامل الضيف بقى وقالت احلى كلام.لان عنيها على الرجالة اللى
بترص الطوب اللى بدأ يعلا ويعلا حتى وصوله للدور التانى بتاع الجيران مشاء الله!! حاجة تفرح!!!!!!!!!!!!!!!!!!
وشويه والعصير نزل.... وعن الرجالة .....الله ينور واحلى كلام...
فجأه همس المدير لتوتو باشارة فهمها يعنى *غمزله*انه يجيب فلوس
الطوب من الزوجة!!!!!
وبحركات سريعة اتلفت التوتو للحفيد ففهم الحفيد الرساله متوجها
بها الى الزوجة طبعا راس المال!!!!!!!!!!
المهم دخلت تجيب الفلوس وفى طريقها للخارج برفقة المدعو الحفيد..
فبشهامة اهل البلد وبنخوة الرجاله .قلهالآلآلآلآلآلآ مفيش طلوع...امال ايه!!!!
فاخذ الفلوس تمن الــ14 الف طوبه ونولهم لتوتو فى الخباسة كدة يعنى علشان حامل الطوبه المعلم يعنى ميلاحظش حاجة بردوا....عيب!!!! واللى بدور توتو وصلهم للمدير ليه ؟؟ علشان عيب!!لازم المدير يكون
الكنــــج فى كل حاجة!!!!
ومد ايده بالفلوس وقله عد فلوسك ياعم الحاج مشيرا للمعلم يعنى!!
وفعلا ياخذهم الرجل وقد لمعت عيناه بحصوله على تعب اليوم كله
علما بانه لم يعطى لها اى اهتمام واضعها بجوارة على الاريكة*المسطبه*ونظر الى الرجاله بتوعو نظرة ان الفلوس وصلت يارجاله
يسرعون الرجاله فى نهو التنزيل وهم يغنون والسعادة قد غمرت قلوبهم. ويهمس الحفيدلتوتو قوم عد الطوب !!!رد توتو لا لا لا دولا احسن ناس!!!!!
وفجأة اعطو اشارة للمعلم بان المهمة انتهت ...يهم المعلم ويمسك
بالفلوس ويمدها للمدير بقلب صافى وجامد ان ياعم خلى...المدير يقوله اذاى
داانت شرفتنا!!
يغادر المعلم مع رجالته فرحنين ومبسوطين
وتوتو غادر والحفيد غادر والمدير غادر
وكلهم يغادرون والسعادة تتملكهم وقصو ماحدث لزويهم بفرحة وسعادة..... والجدة قامت تلملم فى بقايها الهذيلة وهى تمتم بكلمات دعاء لابنها المسافر انشاله تعمر يابنى,,,,الزوجة ياخويا جات متصله بمعلم البنايه بقى وقالتله الطوب جه..
انتى هتيجى تبنى امته؟؟؟قالها لما تطلعوه الدور التانى؟؟؟؟؟
قالتله ماشى وقفلت معاه واتلفتت على ابنها البكر
وقالتله عايزين نرفعو الطوب قالها حاضر يما,,
ونزل الشارع وبرجولة ابوه ونخوته وبدأ يشيل هو واخواته ,, وتوتو عرف بعت عياله
الرجاله يساعدو ولاد العمومة...مشكور كتير...
والشغل بدا والفرحة عمت الكل وفى عزها يكتشف الابن البكر..موصيبه؟؟
الحقى يمه؟؟ايه يابنى؟؟
شوفى الطوب مرصوص من جوة الذاى؟؟؟ تهرول الام لتجد الطوب مرصوص زى
لعبة المبانى بتاعة الاطفال ده مفرغ من جوه يعنى؟؟؟؟؟؟؟؟؟؟؟؟؟؟
جرت الزوجة لمنزل توتو الحق ياتوتو احنا اتنصب علينا دا 4 الاف بس!!
التوتو ..اذاااااااااااى يعنى اتنصب علينا فى9 الاف؟؟؟؟؟
الزوجه. اه
توتو يقلب وشه ويجيب الوان رغم الصعوبه فى رؤية الالوان! ويسيل لعابه ويقرض على نيابه كا الاسد الجريح ويقول لنفسه هنقول للمدير ايه ياوقعة غبرة!!!!!!!!
وينظر بسرعه للزوجة وقالها الحل انك متقليش لزوجك....!!!!!!!!
توافقه الرأى وتلملم ماتبقى منها وضاعت الفرحة ياعم الحاج...
توجهت الى البيت وخدت البكر معاها تسأل فى البلادعلى الراجل حامل
الطوبه الشهير. وكأنه فص ملح وداب...وهى علشان رغايه شويه .حكت لواحد وهى بتسالو عليه فى البلد على كل اللى حصل لدرجة قالها ازاى
يابنتى يتنصب عليكى فى 9 الاف طوبه طب قولى العكس اتنصب عليا فى 5 الاف!!!!!!! معنى كدة ان 9 الاف طوبه فى سعر 215 للالف
عاملين 1935 جنيه!!!
على العموم اتركى عوضك على الله..وروحى لبيتك وعيالك...
وترجع الست وهى تائه ولا تعرف اى شئ فى شئ من هول الصدمة....
عرف الموضوع الحفيد واخدته الشهامه المعهودة مستعيرا عربة احد
الاصدقاء
وقعد يدور على حامل قالب الطوب فى البلاد..وموصلش لاى نتيجة رجع
زعلان وقرفان وزهقان
حضر الزوج لاجازة وبدأ الحساب مع الزوجة وبعتلك كذا وكذا انتى عملتى بيهم ايه؟؟؟
قعدت تتحاسب معاه وفجأه ظهر عجز 1935 جنيه فسالها فين ؟؟؟؟؟
انتظرت قليلا وبدأت تروى القصة لزوجها الذى ابتسم مرددا
الحمد لله اللى جات على حد كدة..
غيري اشترى الترماى والعتبة الخضرا!!!!!!
دمتم خيرا
تحياتى,,
......

[url=http://yafefy.arabstar.biz/gallery/CaAaEaa-CaOIOi-a-NiCa/dfvg-pic_127.htm][/url
برجاء قراة موضوع ان لم تكن ذئبا اكلتك الذئاب
على منتدى النقاش والحوار..
..........................


عدل سابقا من قبل ريان في الثلاثاء يونيو 24, 2008 6:02 pm عدل 17 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيزو

avatar

عدد المساهمات : 7
تاريخ التسجيل : 21/06/2008

مُساهمةموضوع: : ياحـــــــــــلاوة الطــــــــــوب جــــــــــــه !!!   الإثنين يونيو 23, 2008 3:47 pm

مشكور
مشكوووور مشكوووور
مشكور
موضوع جميل وشيق استفدت منه كتير bounce sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيدان

avatar

عدد المساهمات : 207
تاريخ التسجيل : 18/06/2008

مُساهمةموضوع: رد: ياحــــلاوة الطــــوب جـــــــه !!!!!   الثلاثاء يونيو 24, 2008 12:15 am

عزيزى ريــــــــــــان
.................


قرأت موضوعك اللذيذ... ولفت نظرى أنه من الحيــاة



ومعنى ذلك أنه تتجسد أمامنا على وجه الإختصار


شخصيتــــــــــــــــــان ؟؟؟؟؟؟


إحداهما تمثل الفريسة والأخرى تمثل الصياد


وهى معادلة ستظل قائمة إلى يوم الديــــــن


وغالبا ما تكون الفريسة فى منتهى الطيبة والسذاجة


أما الصياد فغالبا ما يكون فى منتهى المكر والدهاء



وإن كان وجود النصابين والمحتالين فى حياتنا يزيد من خوفنا



فعلى الجانب الأخر يوجد الناس الطيبين الذين يعيشون بالفطرة



وهذا يجعلنا ننظر للحياة بصورة مختلفة تعطينا الأمل فى أن نجد



أشخاص ممكن التعايش معهم؟؟؟؟ وإلا ؟؟؟؟؟؟؟



أصبحنا فى غابة تحتاج أن تكون فيها على الأقل ,,,,,,,,,,


ذئبا حتى لا تأكلك الذئاب
؟؟؟؟؟؟


وبما أن الخير غالبا ما ينتصر على الشر



فعلينا أن ننسى هؤلاء القلة الذين يستغلون البسطاء




ونتذكر فقط أن هناك ناس طيبيـــــــــــن





ونقول إن الدنيا لسه بخيــــــــــــر




وفى النهاية إحنا لقينا مثل جديد نتحاكى به


ونأخذ منه الدروس المستفادة ,,,,,



فقد أصبح لدينا حكاية 1: اللى اشترى الترماى


2: اللى اشترى العتبة الخضراء


3: اللى اشترى الطوبه الحمرا!!!


وعجبـــــــــــــــــــــــــى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bassem846

avatar

عدد المساهمات : 52
تاريخ التسجيل : 02/06/2008

مُساهمةموضوع: يا حلاوه الطوب جه   الأربعاء يونيو 25, 2008 9:18 am

موضوع من نوع القصه القصيره جميل جدااااااااااااااااااا وفيه مزيج من الواقعيه عن النصابين فى هذا
العصر ولكنها قصه جميله جداااااااااااااااااااااااااااااااا
مشكووووووووووووووووووووووور
مشكوووووووووور مشكووووووووووووووور
مشكووووووووور
No Suspect sunny
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حازم

avatar

عدد المساهمات : 43
تاريخ التسجيل : 05/06/2008

مُساهمةموضوع: رد: ياحــــلاوة الطــــوب جـــــــه !!!!!   الأربعاء يونيو 25, 2008 9:21 pm

مشكووووووووووووووووووووووووووووور


على موضوعك الجميل الشيق استفدت منه كتير وياريت نستفيد منك ومن


مواضيعك كمان وكمان مثل باقية مواضيعك مفيده جدا جدا جدا


cheers cheers يا ابن مصر farao farao cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yafefy
Admin
avatar

عدد المساهمات : 178
تاريخ التسجيل : 02/06/2008

مُساهمةموضوع: رد: ياحــــلاوة الطــــوب جـــــــه !!!!!   الخميس يونيو 26, 2008 7:18 pm

بصراحة
أنت اللى عملت كل ده
وانت السبب فيه
لان دايما فى العجلة الندامة زى مابيقولوا
بالرغم ان كان باقى على العيد 3 ايام
مع ذلك اصريت ان الطوب لازم يجى بسرعة
والبنا يجى بسرعة
وبتاع الصبة يجى بسرعة
كانك بتحرك دمى
معلش
لازم تتأنى شوى فى كل حاجة ومتستعجلش
وبكل هدوء كل حاجة هتخلص وفى ميعادهاوزى مانت عاوز
ومن غير استعجال
بس يلا
حصل خير
اكيد ربنا مش هسامحهم على ده
وربنا يعوض


ومشكووووووووور على طرح مواضيعك للمناقشة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yafefy.arabstar.biz
الجن

avatar

عدد المساهمات : 15
تاريخ التسجيل : 28/06/2008

مُساهمةموضوع: رد: ياحــــلاوة الطــــوب جـــــــه !!!!!   السبت يونيو 28, 2008 7:45 pm

انا عواز اقول لك ان الوقت


ليس الوقت كان ضيق والاهل كانت تغمرهم



الفرحه بأنه سوف يبنى و يعمر هذا



الابن المسافر و المتغرب لاولاده و لاكن



دائما تأتى الرياح بما لا تشتهى السفن



و ما اكثر حلات النصب فى هذه الظروف



و فى هذه الايام التى تخيف لا نامن لاحد



و فى النهايه اشكرك افادك الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ياحــــلاوة الطــــوب جـــــــه !!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
yafefy :: المنتدى العام :: منتدى المواضيع العامة-
انتقل الى: