yafefy

 

الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مكالمة فى المحل

اذهب الى الأسفل 
كاتب الموضوعرسالة
yafefy
Admin
avatar

عدد المساهمات : 178
تاريخ التسجيل : 02/06/2008

مُساهمةموضوع: مكالمة فى المحل   الخميس يوليو 10, 2008 8:35 pm

مش انتي دلوقتي بتكلميني وانتي شايلة الحجاب؟

يعني شعرك دلوقتي سايب كده وللا عاملاه ديل حصان؟

محرجة؟

خلاص سيبك .. مش مهم

طيب بقولك إيه يا بت انتي

ياللي بتوحشيني جدا

أنا دلوقتي بشرب شاي

ونفسي بجد

أشرب منه معاكي

أكيد مش هينفع غير في كافيتيريا

فى كوم حمادة

ولا فى اسكندرية مكان مابنتقابل كل مرة

اكيد هيبقى جميل

ويكون معانا كتب وورق وام بي فور

ومعانا قعدة تكون مِبرطعة ومُستكنييسة

طيب تصدقي بقى

فكرت دلوقتي حالا بس

إنه ينفع عندي هنا

فى المحل

وقت القيالة

ماحدش بيجى كتير

يااااه جميل جدا

قدام ترابيزة الكمبيوتر

وتحطي رجل على رجل

وبنطلون جينز أزرق غامق

وانتي ع الكرسي الفاضي اللي على شمالى ده

وواخده اتجاه بزاوية الرؤية

ناحية الشاشة الفلات

ومُستقرة الاستناد للخلف

ببسمة داخلية دافية أو خارجية كريمة

خلليكي كريمة أحسن

الكباية ف إيدك الشمال

وهتمدي إيدك اليمين تاخدي الماوس من إيدي

بعد ما ترفعيها من عليه،

يا لهوي يا جدعان

تشغلي الأغاني اللي بتحبيها

وتدخلي على النت

على صفحاتك المفضلة

من عندي هنا

وطبعا يكون معاكى فيروز

المشروب المفضل بتاعي

اللي غير الشاى والبيبسى والعصاير تماما

اللي بينفعوا بس في اللقاءات الرسمية بس

أو اللقاءات العاطفية المقلمة الأظافر

*****************


كفايا بقا احلام دلوقتى

ونكمل وقت تانى

عشان الرصيد

سلام


yafefy


عدل سابقا من قبل yafefy في الخميس يوليو 10, 2008 9:11 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yafefy.arabstar.biz
ريان

avatar

عدد المساهمات : 276
تاريخ التسجيل : 05/06/2008

مُساهمةموضوع: رد: مكالمة فى المحل   الخميس يوليو 10, 2008 9:05 pm

بس أكيد الدنيا حــر

وحر على حر هيكون حـــــــــــار
أحترت وحيــــرتنى

حـــرارة فوق وحرارة ........!!!!!!!!

الصح تهرب من الحـــار وتروح تنحـــر فى القيلولة.
وصدقنى هترجع محـــرور..........

ياواد ياحـــــــــر بضم الحاء.......

حوووووووووووووووووووو
ريان...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زيدان

avatar

عدد المساهمات : 207
تاريخ التسجيل : 18/06/2008

مُساهمةموضوع: رد: مكالمة فى المحل   الخميس يوليو 10, 2008 9:25 pm



أكيـد إنت كنـت فى حلـم جميـل

أتمنى لـك لو أصبح حقيقـة

بـس لما تتقابلوا فى الأسكندرية إبقى قوللى قبلها ؟؟؟

عشــان أنـا إسكندرانـــــى

المهــم تكــون متأكــد منها عشـان ؟؟؟؟؟

أنـا عينــــــــى زايغــــــــــة

وما تزعلــش يا صاحبـــــــــى

لإنى وقتها هقوللك سلام يا صاحبـــــــى

lol! lol! lol!

زيـــــــدان

lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bassem846

avatar

عدد المساهمات : 52
تاريخ التسجيل : 02/06/2008

مُساهمةموضوع: رد: مكالمة فى المحل   الجمعة يوليو 25, 2008 8:42 am

موضوع غريب جدا لكن كله من حقه يحلم


ولكن ان حلمت احلم بشئ يستاهل

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مكالمة فى المحل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
yafefy :: المنتدى العام :: أفكـــــــــارى-
انتقل الى: